Hrísey - Ferðaþjónusta

Í sumar verður boðið upp á siglingar með bát Norðurskeljar Guðrúnu EA 58. Báturinn tekur 25 manns. Hægt er að skipuleggja ferðir hvert sem er á Eyjafjarðarsvæðinu og hafa dagskrána eftir eigin höfði. Kemur þar nánast allt til greina, hvort sem um ræðir skólahópa, vinnustaði, óvissuferðir eða hvað sem vera kann. Um borð eru sjóstangir ef menn vilja veiða í soðið, hægt er að fara í hvalaskoðun, skoða fuglabjarg eða að sigla á vit miðnætursólarinnar.

Hugmyndir af ferðum:

Kræklingaferðir
Farið í siglingu út að krælingalínunni, línan skoðuð. Kræklingur tekinn og eldaður um borð.
Sigling umhverfis Hrísey.
Siglt umhverfis Hrísey. Með í för er leiðsögumaður.
Miðnætursiglingar
Skemmtisigling þar sem siglt er á móti sólu til að njóta miðnætursólarinnar.

Allar nánari upplýsingar á hrisey@hrisey.net